Lítill Neisti

Frelsi, jafnrétti og bræðralag

Varúð, Nató er einn mesti ógnvaldur friðar.

2957Það virðist vera eðli mannsins að trúa bara því sem er þægilegt og gæti komið sér vel. Að eiga sér óvin, sem hægt er að sameinast gegn, er líklegra til vinsælda en að friðarboðskapur. Þetta vita stríðsherrar og valdastéttir auðvaldsins, sem kynda undir sundurlyndi sem má stýra.

Öflugast vopn auðvaldsins er Nató, sem er einhver mesti friðarspillir sem sögur fara af. Nægir þar að nefna Íraq, Afganistan, Lýbía, sem eru í dag rjúkandi rústir eftir „mannúðar“ íhlutun Nató.

Nú er stefnan sett á Úkraínu. Æsast þá leikar enda rússneski björninn hinu megin við hornið.

Þeir sem fylgst hafa með fréttum, hafa veit því athygli hve illa vesturveldunum hefur gengið, að koma sér út úr kreppunni. Undrar það í raun og veru engan, því úrræði auðvaldsins er að koma skuldum þess yfir til almennings og svo yfirvofandi orkuskortur. Ekki batnaði hagur vesturvelda þegar fréttist af samkomulagi Brasilía, Rússland, Indland, Kína og Suður-Afríka um að hefja viðskipti í nýjum gjaldmiðli framhjá dollar, sem mun vafa lítið veikja stöðu dollars.

VARÚÐ þetta er eldfimt ástand, sem hefur ekkert að gera með hag íbúa í Úkraínu, enda væri ekkert einfaldara en að íbúar sjálfir ákvæði örlög sín á lýðræðislegan hátt í kostningum, en það má ekki, enda hentar það ekki friðarspillunum í Nató.

Úkraína, opið bréf frá Ragnari Stefánssyni.

ukraine-nazi-footb_2237720cDeilið þessu endilega og þið sem rekið blöð og netmiðla megið gjarnan birta þetta. Her Úkraínustjórnar ásamt vígasveitum á vegum fasistaflokka frá Vestur Úkraínu sækja nú með skriðrekum, flugvélum, eldflaugum, stöðugu sprengjukasti og fallbyssuskothríð að þéttri íbúabyggð í Austur-Úkraínu. Fjöldi venjulegra borgara er drepinn á hverjum degi, miklu fleiri liggja limlestir á sjúkrahúsum. Fólk reynir að koma sér fyrir í kjöllurum íbúðablokka, nota þau sem loftvarnarbyrgi. Úkraínustjórn stöðvar bílalest frá Rússlandi sem reynir að koma mannúðarhjálp, vatni, mat og hjúkrunargögnum til þeirra sem þjást vegna limlestinga og hungurs. Ástandið er ekki ólíkt Gaza. Her og vígasveitir á vegum Úkraínustjórnar telja sig hafa rétt til að hefna sín með því að drepa alla, til að kveða niður uppreisn. Þetta er að verða útrýmingarherferð á þjóðarbroti sem talið er að vilji sameinast Rússlandi eða vilji allavega að hluti Austur-Úkraínu verði sjálfstjórnarsvæði innan Úkraínu. Austur Úkraína er öflugt iðnaðar- og landbúnaðarsvæði, og núverandi stjórnvöld vilja ekki missa það, þó þau vilji losna við fólkið. 750 þúsund manneskjur eru þegar flúnar til Rússlands. Ríkisstjórn Úkraínu veit, að eftir það sem hefur gengið á undanfarna mánuði, munu þeir aldrei geta stjórnað þessu fólki, þótt hún vinni hernaðarlegan sigur. Ríkisstjórnin óttast að í hópi þeirra sem eru að missa börnin sín, foreldra sína, systkini sín, ástvini sína, muni vaxa upp ný kynslóð baráttufólks gegn þeim, rétt eins og í Palestínu.

En það er til önnur leið. Eins og í Palestínu er til leið til friðsamlegrar lausnar í Úkraínu. Sú leið er að tryggja réttindi þessa fólks, réttindi sem tryggja það gegn kúgun og frelsissviptingu. Bandaríkin, NATO og aðrir sem sjá her og vígasveitum valdhafa fyrir vopnum gætu neytt þá til samningaviðræðna sem miða að friðsamlegri lausn, en þau hafa engan áhuga á því. Það erum við, manneskjurnar í NATO-heiminum, sem þurfum að neyða stjórnvöld okkar landa til þess. Hvaða afstöðu hafa íslensk stjórnvöld í þessu máli, ætla þau að verðlauna NATO fyrir stríðin sín með því að hækka styrktargjöld okkar til NATO, eða ætla þau að mótmæla með því að lýsa yfir að þau taki ekki þátt í þessum stríðum og vilji ganga úr NATO? Og hvað vill stjórnarandstaðan?

Mér finnst við, almenningur, standa að mörgu leyti í sömu sporum nú og í byrjun Víetnamstríðsins. Við erum fórnarlömb fréttaflutnings sem er ættaður beint frá árásaraðilanum og er einn mikilvægasti liðurinn í árásarstríði hans. Það tók margra ára grasrótarbaráttu að breyta þessu. En þegar það breyttist sagði bandaríska þjóðin NEI. Ég hef kíkt aðeins í blöð hérna úti í Berlín þar sem ég dvelst. Fáein blöð hér eru stundum farin að birta fréttir frá báðum aðilum í Úkraínu, önnur eru að mestu hætt að birta fréttir þaðan. Þó þau styðji ekki manneskjurnar sem er að blæða út í Austur-Úkraínu eru þau farin að óttast vaxandi áhrif vopnaðra vígasveita á vegum nasistaflokka á stjórnvöldin í Kiev og á vígvellinum og finnst best að þegja bara um þetta.
Ég hef aðeins hlustað á netútgáfu BBC (com) þar eru allt öðruvísi fréttir en í Ríkisútvarpinu okkar. Að vísu birtir BBC alltaf fyrst fréttir ættaðar frá Úkraínuher, en svo er líka minnst á að það er önnur hlið. Það væri auðvitað ofstæki af minni hálfu að ætlast til þess að Ríkisútvarpið gangi svo langt í sannleiksást sinni að birta fréttir sem séu andstæðar stefnu NATO (og CIA). En þorir Ríkisútvarp okkar allra kannski að gera eins og netútgáfa BBC sem er líka ríkisútvarp, Bretlands eins helsta stríðshauks NATO, að efast um sannleiksgildi frétta sem koma bara frá öðrum aðilanum, frá þeim sem gerir árásirnar.

Stríð í Langtíburtistan er góður bíssnes!

 

by-the-numbers-the-staggering-cost-of-the-iraq-warÍ fyrra fóru 195 þúsund milljaar í hernaðarútgjöld, 195 000 000 000 000. kr. Inni í þeirri tölu er væntanlega ekki kostnaður heilbrigðiskerfisins og eignatjón.

Í þessu samhengi er skiljanleg að vopnaframleiðendum og leppum þeirra sé farið að líða illa. Stríðin í Írak, Afganistan, Líbíu, og Sýrlandi eru öll að tapast (ljúka). Þar eru alskyns stríðsherrar sigurvegarar. Slíkir gangsterar eru ekki líklegir til þess að bera uppi vopnaframleiðslu heimsins, eitthvað stærra þarf til.

Það er ekki laust við að aulahrollur læsist um mann þegar sjálfskipaður forsætisráðherra Úkraínu óttast ólýðræðislegar kosningar þegar sá lýðræðislega kjörni hefur verið flæmdur frá völdum. Klappaður upp og hvattur af Nató og ESB.

En nú er hún gamla Grýla svo sannarlega ekki dauð, og ekki gafst hún upp á rólunum. Enda hafa nú hafa vopnaframleiðendur fókuserað á stærri atburði. Miní stríð í Úkraínu gæti vissulega aukið bísnesinn. Hverjum er ekki sama um Úkraínu, eða Rússa?

 

Gamla Rússagrýlan er ekki dauð.

supporters-of-karpaty-lvi-008Ekki er Rússagrýlan enn með öllu dauð. Þeir voru ekki ófáir sem söknuðu grýlu, og hefðu glaðir skriðið til Keflavíkur, bara ef Bandaríski herinn kæmi aftur, en þeir sjást nú brosa. Nú þegar sést fyrir endann á Afganistan niðurlægingunni, eyja vopnaframleiðendur og aðdáendur þeirra von. Sú von hefur ekkert með fólkið á Krímskaga að gera, ekki frekar en Nató hefur umhyggju fyrir bændum í Afganistan. Allt er þetta kaldur bísness og hagsmunamat. Gott stríð á góðum stað, er gott fyrir efnahaginn og kemur hjólum atvinnulífsins á stað.

Sýning verður að halda áfram. Enda er jörðin ekki fyrir alla.

Það er vitlaust gefið!!!

Það þarf engan sérfræðing, til þess að átta sig á því að vitlaust er gefið. Svindl er innbyggt í það kapítalíska kerfi sem við byggjum á. Hver myndi sætta sig við það í leik, að andstæðingurinn fengi fengi alltaf tíu til þúsund sinnum meira en við einfeldningarnir. Maskínan sem auðvaldið hefur komið sér upp er vissulega að virka fyrir þá ríku, en eftir standa galtómir rísissjóðir, fjársvellt heilbrigðisþjónusta og í raun öll grunnþjónusta. Ríkisstjórnir auðvaldsríkjanna líta á það sem sitt hlutverk að innheimta fyrir auðvaldið og þá ríku.

bill
Það er full ástæða til að óska Bill Gates til hamingju, við hin getum étið það sem úti frýs, annað eigum við ekki skilið.

Stjarnfræðilegur ójöfnuður.

Það líður ekki sá dagurinn að ekki berast fréttir af misskiptingu og ofurgræðgi auðvaldsins. Auðurinn færist sífellt á færri hendur og fleiri festast í fátæktargildrunni. Þegar kreppur skella á þjóðfélög ætti jöfnuður að aukast, þeir ríku ættu að tapa hlutfallslega mestu og lýðurinn sem litlu hefur úr að spila ætti að halda sínu, svo fremi að hann héldi vinnunni. En kapítalisminn snýst ekki um réttlæti, hann byggir á mýtunni um þeir auðugu séu hæfari en þeir sem minna mega. Þess vegna ganga allar efnahagsráðstafanir út að bjarga þeim ríku á kostnað þeirra sem minna mega. Við sáum þetta og sjáum enn í kreppunni sem nú ríður yfir. Bönkum og stórfyrirtækjum er bjargað á kostnað verkalýðsins.

Kerfi kapítalismans sem byggir á frumstæðustu og dýrslegu hvöt mannsins, græðginni, er ekki á vetur setjandi.

Stigmögnun stríðsæsings, ætlum við að horfa þegjandi á?

afghan-rape-02_enFátt virðist geta stöðvað innrás Bandaríkjamanna og leppa þeirra í Nató í Sýrland. Sömu frasar og í Írak og Lýbíu eru notaðir. Í Írak og Lýbíu var forleikurinn allur byggður á blekkingum og lygi. Engin efnavopn fundust í Írak og í Lýbíu voru engir gámar af Viagra og skipulagðar hópnauðganir, nema ef til vill að stríði loknu.

Hvað um það ef lygin er endurtekin nógu oft verður hún að sannleika. Það er því dapurlegt að hlusta á ruslveiturnar útvarpa stríðsáróðrinum athugasemdalaust. Ef ráðist verður inn í Sýrland er öruggt að Íran verður næst. Hvort Rússland dregst svo inn í þau átök verður tíminn að leiða í ljós, en ef það gerist þá duga engar morgunbænir.

Slæmur dagur fyrir friðinn og sannleikann.

A pile of six corpses between Gargur and Bab al-Aziziya.Það er  ástæða til þessa að hafa áhyggjur af ástandinu í Sýrlandi. Sama dag og eftirlitsmenn Sameinuðu þjóðanna koma til landsins, berast fréttir af eiturefna árás. Full ástæða er að hafa fullan vara á þeirri frétt, enda verður ekki séð hvernig efnaárás geti gagnast stjórnarhernum, en uppreisnarmenn myndu án efa fagna hernaðaríhlutun. En sporin hræða, hver man ekki eftir gjöreyðingarvopnunum sem áttu að vera í Íraq, sem gaf Bandaríkjunum og hinum viljugu þjóðum, þar á meðal Íslandi ástæðu til árásar á Íraq, sem skildi landið eftir sem rjúkandi rúst. Engin fundust gjöreyðingarvopnin, enda allir búnir að gleyma þeim. Enn berast þó fréttir af átökum þaðan nú áratug síðar, sem engan sér fyrir endann á.

Sama var uppi á teningnum í Lýbíu, þar setti öryggisráð Sameinuðu þjóðanna á flugbann sem framkvæmt var þannig að stærstu borgir landsins eru í dag rústir einar.

Að sjálfsögðu eru menn hikandi við að benda á óréttlæti, enda var í dag dæmdur Bradley Manning í 35 ár fangelsi fyrir að segja sannleikann.

Ítalski flugherinn æfir lofthernað yfir Íslandi.

Það var létt yfir fréttamönnum Rúv nú áðan þegar þeir kynntu til sögunnar flugher Ítala, sem af væntumhyggju fyrir Íslendingum æfir lofthernað yfir Íslandi í boði ríkisstjórnar og Nató. Ítalski flugherinn gat sér gott orð á Rúv þegar hann framfylgdi flugbanni í Líbíu á þann hátt að varpa sprengjum á allt sem hreyfðist, þannig að nú eru stærstu borgir landsins rústir einar, en vitaskuld var olíulindum hlíft. Landið er nú í öruggum höndum trúarofstækismanna, og olíulindir undir styrkri stjórn vesturveldanna.

En svona viljum við hafa það:

Capture3 libia2 THIS PICTURE WAS TAKEN ON A GUIDED GOVERNMENT TOUR libya-bomber LibyaWarMisrataBeforeAndAfter tumblr_lv6d2oYF5D1qzcmdmo1_500

Hnípin þjóð undir snjóhengju eða drög að bloggi.

1-mai-2013Það væri freistandi að blogga um nýja ríkisstjórn, um hvernig siðlausir pólitíkusar geta á einfaldan hátt boðið gull og græna skóga, og komist upp með það, þó svo engum dyljist að við ekkert verði staðið.

Ekki væri síður freistandi að blogga um fangana 100 í Guantanamo, sem hafa verið í hungurverkfalli síðan í febrúarbyrjun og jafnvel lengur, fyrir litlar sem engar sakir. Eftir áratug í einangrun, veit enginn fyrir hvað þeir voru upphaflega lokaðir inni.

Um ungu mennina sem sakaðir eru um að hafa komið fyrir sprengju í Boston og hafa þegar verið dæmdir og skotnir. Reyndar lifir annar bróðirinn, en vinur hans var skotinn til bana í dag sem þykir í sjálfu sér sjálfsagt, enda hét maðurinn Ibragim Todashev og er þar með rétt dræpur.

Þá bætir það ekki geðheilsuna að minnast fráfarandi ríkisstjórnar. Hvernig hún eyddi kröfum sínum í vonlausar aðildarviðræður við Evrópusambandið, sem þjóðin var og er á móti. Í samband þar sem atvinnuleysi mælist í tugum prósenta í jaðarríkjum. Hvernig fyrsta „hreina ríkisstjórn vinstri manna“, eyddi kröftum sínum í að fá þjóðina til þess að greiða Bretum og Hollendingum Icesave. Óskiljanlegu umburðarlyndi í garð Alþjóðagjaldeyrissjóðsins sem stóð vörð um hrægammana heimsauðvaldsins, en eftir situr hnípin þjóð undir snjóhengju.

Post Navigation

%d bloggurum líkar þetta: